Den Auteur, Carel Maria Ververs, in Tegele gebaore op 22-8-1922, haet zien jeug dao dôr gebrach. Vur de minse van vur d'n oorlog is hae bekênd as einem bôngkten hôngk. Vruger sjreeffe al sjtökskes, versjes en liedjes. Wie hae in Amsterdam sjtudeerde, bleeffe mêt Tegele verbônge dôr ô.a. de kritiese verhäolkes "Honie Suwakki mani pans", in den Tegelse krant. Zoë haet hae ouch aan 't book "Tegels Dialek" zien beejdrage geleverd. In de jaore dette chirurg wáas in Deurne, bleef hae zich insjpanne vur den Tegelse sjproak. Hae is vur Tegele 'ne zegsman vur 't "Meertens-instituut". Altiéd is hae aan 't zeuke nao Tegelse wäord, diesse bald neet mier huërs en die neet in ôs Tegelse waordembook sjtaon.