Lijst: Gertie Schouwenberg

Lekker laeze in ’t Limburgs

door Gertie Schouwenberg op 06-04-2023

Ich bön ’n Tegels maedje. Gebaore oet Tegelse elders. Dreej van mien groeëtelders komme ouch oet Tegele. De veerde oet ’t dörp d’r naeve, Kaldenkirchen. Det lik den waal in Duitsland, maar toen opa en oma elkaar lierde kenne sjproke de minse dao nog zoeëget ’t zelfde dialek as aan deze kank van de grens. Limburgs is dus neet allein mien moderstaal, maar ouch die van mien vader en al mien opa’s en oma’s. Praote doon ich ’t vuuel en gaer. Laeze en sjrieve is ’n anger verhaol. Det doon ich namelijk - net as de meiste Limburgers trouwes - nauwelijks en daoröm geit det ‘n sjtuk lastiger. Kwestie van oefene! Dus heb ich de Limburgstalige beuk oet miene bokekas gehaold en bön aan ’t laeze gesjlage. Heerlijk! De auteurs die zich euver d'n drempel hebbe gesjraveld öm in ’t plat get op pepeer te zette, gaef ich nów ’n eige bokeplank. Zet uch minse, geej heb ’t verdeend!